𝐋𝐚𝐦𝐦𝐢𝐢𝐥𝐞𝐞𝐧 𝐎𝐫𝐨𝐦𝐨𝐨 𝐛𝐢𝐲𝐲𝐚 𝐍𝐞𝐞𝐳𝐚𝐫𝐥𝐚𝐚𝐧𝐝𝐢𝐬 𝐣𝐢𝐫𝐚𝐚𝐭𝐚𝐧 𝐆𝐨𝐜𝐡𝐚𝐚 𝐃𝐢𝐢𝐧𝐮𝐦𝐦𝐚𝐚 𝐌𝐮𝐫𝐧𝐚 𝐁𝐢𝐱𝐢𝐠𝐢𝐧𝐧𝐚𝐚𝐭𝐢𝐢𝐧 𝐎𝐫𝐨𝐦𝐢𝐲𝐚𝐚 𝐤𝐞𝐞𝐬𝐬𝐚𝐭𝐭𝐢 𝐫𝐚𝐚𝐰𝐰𝐚𝐭𝐚𝐦𝐚𝐚 𝐣𝐢𝐫𝐮 𝐛𝐚𝐥𝐚𝐚𝐥𝐞𝐟𝐟𝐚𝐜𝐡𝐮𝐮𝐟 𝐌𝐮𝐝𝐝𝐞𝐞 𝟏, 𝟐𝟎𝟐𝟐 𝐦𝐚𝐠𝐚𝐚𝐥𝐚𝐚 𝐙𝐚 𝐇𝐞𝐞𝐠𝐢𝐭𝐭𝐢 𝐡𝐢𝐫𝐢𝐢𝐫𝐚 𝐠𝐚𝐠𝐠𝐞𝐞𝐬𝐬𝐚𝐧.

Lammiileen hiriira Waldaa Hawaasa Oromoo Neezarlaandin qindaa’e kana irratti argaman, haleellaa xayyaaraa fi yakka ajjeechaa bifa adda addaatiin humnoota mootummaa Biltsiginnaa kan Dr.Abiyyi Ahmadiin dursamuun Ummata Oromoo irratti raawwatamaa jiru mormaniiru.

Yakka Faannoo fi hidhattoota Amaaraatiin akkasumas humnoota sirni PP bobbaasee ummata jumlaan fixaa jiru dhaabsisuuf hawaasni addunyaa akka tarkaanfii fudhatu gaafatan.

Kana malees waraanni mootummaa namoota nagaa ajjeeesuu, qe’ee ummataa gubuu, namoota jumlaan hidhaatti guuruu fi yakkoota jajjaboo ummata irratti raawwataa jiru kan jedhan hawaasni Oromoo hiriira ba’an kunniin, waraanni Oromiyaa keessatti deemaa jiru lammiilee nagaa irraan gaaga’ama hamaa geessisaa akka jiru ibsan.

Gartuun PP yakka duguuggaa sanyii Oromiyaa keessatti maqaa WBO irratti duuluutiin raawwataa jiruuf akka mana murtii yakkamtootaa idil addunyaa (ICC)tti dhiyaatu akkasumas mootummaan Neezarlaandis gartuu shororkeessaa (State terrorism) gaggeessaa jiru, Biltsiginnaa deeggaruu akka dhaabu dhaadannoolee dhageessisaniin gaafataniiru.