𝐁𝐞𝐠𝐢𝐢𝐧 𝐗𝐚𝐲𝐲𝐚𝐚𝐫𝐚 𝐖𝐚𝐫𝐚𝐚𝐧𝐚𝐚 𝐌𝐨𝐨𝐭𝐮𝐦𝐦𝐚𝐚 𝐁𝐢𝐥𝐭𝐬𝐢𝐠𝐢𝐧𝐧𝐚𝐚𝐧 𝐇𝐚𝐥𝐞𝐞𝐥𝐚𝐦𝐚𝐚 𝐉𝐢𝐫𝐭𝐢

Mootummaan Biltsiginnaa xayyaaraa fi humna lafoon Oromiyaa weeraree dhiiga ummata Oromoo akka bishaanii gadi naqaa jiru, guyyaa har’aa kana Begii haleelaa jira.

Akka oduun SBO dhaqqabe ibsutti xayyaarotni waraanaa mootummaa Biltsiginnaa Mudde 05,2022 yeroo ammaa kanatti Godina Wallagga Lixaa Ona Begii ganda Shalxaa jedhamu xayyaara waraanaa MIG-29 jedhamuun haleelaa jira.

Haleellaa kanaan lammiilee nagaan hedduun akka ajjeesamanii fi qabeenyi ummataa gubataa jiraachuu oduun kun ifa godha.

Haala Networkiin citee jiru keessatti ummatni keenya haleellaa qilleensa irraa fi humna lafoon weeraramee jira kan jedhu oduun kun, dhumaatiin suukanneessaan dhaqqabuu akka danda’u illee akeeka.