𝐌𝐨𝐨𝐭𝐮𝐦𝐦𝐚𝐚𝐧 𝐪𝐮𝐥𝐪𝐮𝐥𝐥𝐢𝐧𝐚 𝐛𝐚𝐫𝐧𝐨𝐨𝐭𝐚𝐚𝐟 𝐱𝐢𝐲𝐲𝐞𝐞𝐟𝐟𝐚𝐧𝐧𝐨𝐨 𝐡𝐢𝐧 𝐥𝐚𝐚𝐧𝐧𝐞, 𝐪𝐮𝐥𝐪𝐮𝐥𝐥𝐢𝐧𝐚 𝐪𝐨𝐫𝐦𝐚𝐚𝐭𝐚𝐚𝐧 𝐞𝐞𝐠𝐚 𝐣𝐞𝐜𝐡𝐮𝐮𝐧 𝐛𝐚𝐥𝐚𝐚 𝐝𝐡𝐚𝐪𝐪𝐚𝐛𝐬𝐢𝐢𝐬𝐞

Dubbiin Barattoota Oromoo bara kana qormaata Biyyaalesaa kutaa 12ffaa akka fudhataniif haala baay’ee rakkisaan walitti guuranii hedduu ulfaatuun bal’inaan kan gabaasamaa jiru yoo tahu, iddoo adda addaatti balaa garagaraan haga lubbuun ba’utti miidhamaa jiraachuù isaaniitu himamaa jira.

Dhiheenyuma kana Godina Arsii fi Jimmmaa irraa gara Yunivarsitiitti imalaa kan turan balaa konkolaataan akka miidhaman dhaga’ameera. Sababa networkiin hin jirreef balaa fakkaataa uumaman gabaasuun rakkoo akka ta”es himameera.

Gama biraan oduun galgala kana Naqamteerraa ba’aa jiru akka mul’isutti Yunversitii Wallaggaa keessa nageenyi hin jiru.

Oduun ba’aa jiru akka ibsutti har’a gara galgala kanaa barattootni nyaata summa’aa nyaatanii 2 battalatti oggaa du’an, kaan gara mana waldhaansaatti geessamuu hubachiisa. Kaleessa galgala reebichi akka turee fi barattootni dhiphina keessatti akka kufanis kanneen ibsan jiru.

Haalli moorichaa dhiphataa waan ta’eef waan jiru sirnaan adda baafachuun ammaaf rakkoo dha.

Mootummaan qulqullina barnootaaf xiyyeeffannoo hin laanne, qulqullina qormaataan eega yaada jedhuun, barattoota akka midhaaniitti konkolaataatti fe’uun karaan bututchee, qorqalbii isaanii miidhuun gamatti, balaa lubbuu baasuu fi qaamaa hir’isuu irraan ga’aa jira.