𝐓𝐚𝐣𝐚𝐚𝐣𝐢𝐥𝐚 𝐁𝐢𝐲𝐲𝐨𝐨𝐥𝐞𝐬𝐬𝐚𝐚 𝐟𝐢 “ብሄራዊ ውትድርና”

Abbaan Irree Dargiin waggoota 17 aangoo irra ture lolaan dabarse. Bara bittaa abbaa irree Darguu, bara lolaa kana faana kan yaadatamu “ብሄራዊ ውትድርና” dha. Lammiileen biyyattii, addatti dargagootni “ብሄራዊ ውትድርና”f dirqiin guuramaa turan.

Seenaan of haaromsuun taateen bara Dargii bara dheeraan booda bara mootummaa Bilxiginnaa kana keessa bifa baranee ta’een deebi’aa jira.

Mootummaan Bilxiginnaa umrii isaa waggoota 4ii kana lolaan dabarsaa jira. Har’a guutummaa biyyattii sadarkaa jechuun danda’amuun lolatu babal’atee jira. Namatu guyyuu lola kanaan akka bishingaa jigaa jira.

Haala kana keessatti egaa labsii maqaa Tajaajila Biyyoolessaan “ብሄራዊ ውትድርና” bara Dargii kan fakkaatu haasa Muummicha Ministeeraa Itophiyaa, Dura Ta’aa paartii Bilxiginnaa Dr.Abiy Ahmed irraa dhiheenya kan dhaga’ame.

Tajaajila Biyyoolessaa kana dirqii hin taasisnu erga jedhanii booda, garuu hojii argachuuf dirqama kana ba’achuun garuu dirqii ta’uu dubbatan. Kanaaf Tajaajilli Biyyoolessaa dirqii akka ta’e hubachuun nama hin dhibu.

Kana irraa kan hubatamu imaammatni lolaa kan itti fufu ta’uu fi loloota kana keessatti dargaggootni/barattootni abdii biyyaa ta’an maqaa Tajaajila Biyyoolessaan garuu “ብሄራዊ ውትድርና” fakkaatuun ibidda lolaan waadamuuf qopheeffamu jechuu dha.

Ummatni keenya dhimma kana gadi fageenyaan itti yaaduu qaba. Isa sichi ijoollee isaa kennu osoo hin taane, warri deeman/fuudhaman eessa jiru? jedhee gaafachuu danda’uu dha qaba.