𝐆𝐨𝐝𝐢𝐧𝐚 𝐖𝐚𝐥𝐥𝐚𝐠𝐠𝐚 𝐁𝐚𝐡𝐚𝐚 𝐎𝐧𝐚 𝐒𝐚𝐚𝐬𝐢𝐠𝐠𝐚𝐚 𝐤𝐞𝐞𝐬𝐬𝐚𝐭𝐭𝐢 𝐥𝐚𝐦𝐦𝐢𝐢𝐥𝐞𝐞𝐧 𝐎𝐫𝐨𝐦𝐨𝐨 𝐡𝐞𝐝𝐝𝐮𝐮𝐧 𝐚𝐣𝐣𝐞𝐞𝐬𝐚𝐦𝐚𝐧

Oduun SBO dhaqqabe akka hubachiisutti Onkoloolessa 19,2022 guyyaa kaleessaa Godina Wallagga Bahaa Ona Saasiggaa ganda Tsiggee jedhamtu keessatti humnootni finxaaleyyii fi shororkeessitootni Faannoo fi hidhattootni mootummaa maqaa “Shanee bal’eessuu” jedhuun haleellaa ummata nagaa fi meesha-maleeyyii irratti fudhataniin namootni 20 ol lubbuu kan dhaban yoo ta’u, gariin madaa’aniiru.

1. Obbo Kaashun Adaanee
2. Obbo Iddoosaa Asfawuu
3. Obbo Gammachuu Baqqalaa
4. Obbo Olaanaa Bultii
5. Obbo Tolaa Dirbabaa
6. Obbo Matiwoos Mulaatuu
7. Obbo Guddinaa Gaarii
8. Obbo Xilahun Kitilaa fi
9. Obbo Bal’inaa Tarreessaa kan jedhaman kanneen ajjeesaman keessaa warra maqaan isaanii nu gahee dha.

1. Obbo Bultii Olfuudhaa
2. Obbo Faantahun Mitikkuu fi
3. Obbo Daawwit Dabalaa kanneen jedhaman warra madaa’an keessatti akka argaman oduun kun dabalee hubachiisa.

Qabeenyi ummataa akka saamamee fi gariin ibiddaan akka barbadeeffame illee maddeen gabaasaniiru.

Waraanni ummata nagaa irratti deemsisamaa jiru kun itti fufee waan jiruuf, haalli naannoos akkaan rakkisaa waan ta’eef, nama du’e, madaa’ee fi jiru sirnaan adda baasachuun rakkisaa ta’uu oduu SBO dhaqqabe irraa hubachuun ni danda’ama.

Onkoloolessa 15,2022 irraa qabee hanga Onkoloolessa 18,2022 gidduutti Godina Wallagga Bahaa Kiiramuu fi naannoo sanatti lammiileen Oromoo 40 ol ta’an goolessitoota Faannoo fi hidhattoota mootummaan ajjeesamuu  SBO dabalatee maddeen oduu garagaraa gabaasuun kan yaadatamuu dha.