𝐇𝐮𝐦𝐧𝐢 𝐖𝐚𝐥𝐨𝐨 𝐖𝐚𝐫𝐚𝐚𝐧𝐚 𝐈𝐭𝐨𝐩𝐡𝐢𝐲𝐚𝐚, 𝐒𝐡𝐚𝐚𝐛𝐢𝐲𝐚𝐚 𝐟𝐢 𝐏𝐨𝐨𝐥𝐢𝐬𝐚 𝐅𝐞𝐝𝐞𝐫𝐚𝐚𝐥𝐚𝐚 𝐋𝐢𝐱𝐚 𝐎𝐫𝐨𝐦𝐢𝐲𝐚𝐚𝐭𝐭𝐢 𝐁𝐨𝐛𝐛𝐚𝐚𝐬𝐚𝐦𝐚𝐚 𝐣𝐢𝐫𝐚𝐧

Yeroo ammaa kana humni guddaan waloodhaan qindaa’e sadii duula qinda’aa Oromiyaa irratti banuuf, gara Lixa Oromiyaa Godinoota Wallaggaa Arfanitti, addatti naannoo sochiin jirutti bobbaafamaa akka jiru odeessi maddeenii ni ifoomsa.

Humnootni waloon qinda’anii bobbaasamaa jiran kunniin, Raayyaa Ittisa Biyyaa, Waraana Erteraa (Shaabiyaa) fi Humna Farra Riphee Lolaa Poolisa Federaa (Federal Police Counter Insurgency Force) yoo ta’an, meeshaalee gugurdaa hidhatanii bobbaasamaa jiraniin ummata irratti tarkaanfii fudhatu jechuun maddeen ifoomsaniiru.

Kanuma waliin halellaan Xayyaara guddaan tibba kana Oromiyaa golee hedduu irratti fuulleffate ammallee daraan jabaatee itti fufeera.

Waan ta’eef, ummatni keenya kana hubatee, dhumaatii biraan akka isa irra hin geenyeef, karaa danda’uun hamma isaaf danda’ametti of eeggachuu qabaan dhaamsa keenya belbeltuu dha.

Tuuta ta’anii bakka tokko dhaabbachuu, iddoo lolli itti geggeessamutti fiiguu fi sochii hin barbaachisne gochuu irraa akka if qusatu, mana isaa akka taa’u gadi jabeessinee hubachiisna.