𝐌𝐨𝐨𝐭𝐮𝐦𝐦𝐚𝐚𝐧 𝐁𝐢𝐥𝐭𝐬𝐢𝐠𝐢𝐧𝐧𝐚𝐚 𝐊𝐚𝐚𝐛𝐚 𝐒𝐡𝐚𝐠𝐠𝐚𝐫 𝐁𝐚𝐤𝐤𝐨𝐨𝐭𝐚 𝐀𝐝𝐝𝐚 𝐀𝐝𝐝𝐚𝐚 𝐊𝐞𝐞𝐬𝐬𝐚𝐭𝐭𝐢 𝐇𝐚𝐥𝐞𝐞𝐥𝐥𝐚𝐚 𝐗𝐚𝐲𝐲𝐚𝐚𝐫𝐚𝐚 𝐑𝐚𝐚𝐰𝐰𝐚𝐭𝐞.

Maddeen oduu akka gabaasanitti mootummaan Biltsiginnaa guyyaa har’aa Mudde 02,2022 Godina Kaaba Shaggar Warra Jaarsoo fi Kuyyuutti haleellaa xayyaaraa raawwatee jira.

Haaluma walfakkaatuun guyyaa kaleessaa Mudde 01,2022 Godina Horroo Guduruu Wallaggaa ganda Guduruu Gabatee irratti haleellaa xayyaaraa akka raawwate maddeen oduu ifoomsaniiru.

Haleellaa guyyaa har’aa Warra Jaarsoo fi Kuyyuutti ta’ee fi kan kaleessa Guduruu Gabatee irratti raawwatameen miidhaa ummata irra ga’e ammatti adda baasuun akka hin danda’amin jiru ibsameera.

Sadaasa 27,2022 Godina Horroo Guduruu Wallaggaa Ona Guduruu magaalaa Kombolchaa irratti   haleellaan xayyaaraa ganamaa fi sa’aa booda raawwatamuun gabaasamee ture. Haleellaa kanaan miidhaa ummata irra ga’e adda baasuun kan hin danda’amne ture.

Sadaasa 20,2022ttis mootummaan Biltsiginna Godina Wallagga Lixaa Ona Begii bakka Lophii jedhamutti haleellaa xayyaaraa raawwateen ummata siviilii 5 ajjeesuun garii isaanii madeesse.

Sadaasa 16,2022 Godina Lixa Shaggar Ona Amboo, Waddeessaatti haleellaa xayyaaraa mootummaa Biltsiginnaan fudhatameen namootni 19 yoo ajjeesamanii 24 madaa’aniiru.

Sadaasa 15,2022 Godina Kaaba Shaggar Darraa iddoo addaa Raachoo Barreessaa jedhamutti ummata midhaan haamame tuuluuf guuraa ture irratti rukuttaa xayyaaraa raawwatameen namootni 34 yoo du’an, 41 ol madaa’aniiru.

Sadaasa 14,2022 haleellaa xayyaaraa yeroo 3f Godina Lixa Shaggar Cobii bakka Addis Katamaa ykn dhaaba doqdoqqeetti geggeesseen namootni siviilii 49 yoo du’an 67 ol madaa’aniiru.

Sadaasa 09,2022 haaluma walfakkaataan Godina Lixa Wallaggaa Ona Mana Sibuu magaalaa Mandiitti haleellaa xayyaaraa mootummaan Biltsiginnaa raawwateen namootni 100 ol ajjeesamanii, hedduun madaa’aniiru.

Sadaasa 02,2022 Godina Lixa Wallaggaa Ona Boojji Birmajjii magaalaa Biilaattis rukuttaa xayyaaraa lammiilee siviilii irratti mootummaa Biltsiginnaan raawwatameen 80 ol ajjeesamanii, dhibbootaan madaa’aniiru.