𝗛𝗮𝘄𝗮𝗮𝘀𝗻𝗶 𝗢𝗿𝗼𝗺𝗼𝗼 𝗠𝗮𝗴𝗮𝗮𝗹𝗮𝗮 𝗚𝘂𝗱𝗱𝗼𝗼 𝗨𝗞 𝗟𝗼𝗻𝗱𝗼𝗻𝗶𝗶 𝗳𝗶 𝗡𝗮𝗮𝗻𝗻𝗮𝘄𝗮 𝗶𝘀𝗵𝗲𝗲 𝗝𝗶𝗿𝗮𝗮𝘁𝗮𝗻 𝗠𝘂𝗱𝗱𝗲 𝟬𝟭,𝟮𝟬𝟮𝟮 𝗛𝗶𝗿𝗶𝗶𝗿𝗮 𝗠𝗼𝗿𝗺𝗶𝗶 𝗴𝗲𝗴𝗴𝗲𝗲𝘀𝘀𝗮𝗻.

Hiriirri kun kan geggeessame naannawa Waajjira Ministira Muummee Uktti yoo ta’u, hawaasni Oromoo hiriira mormii ba’an kunniin, haleellaa xayyaaraa mootummaan PP Oromiyaa keessatti lammiilee nagaa irratti geggeessaa jiruu fi gaaga’ama lubbuu fi qabeenyaa dhaqqabsiisaa jiru mormuun balaaleffataniiru.

Haleellaan diroonii kun naannawaa manneen jireenyaa, manneen barnootaa, gabaa akkasumas bakkeewwan namoonni nagaan itti heddummaatanitti raawwatamuun lubbuu namoota nagaa dhibbootaan lakkaa’amanii dabarsaa jiraachuu mootummaa Ingilizii kan hubachiisan hawaasni Oromoo London hiriira kana irraa qooda fudhatan, mootummaan ta’e jedhee ummata nagaa irratti haleellaa raawwataa jiraachuu ifa godhan.

Mootummaan Biltsiginnaa humna lafoo fi humna qilleensaan Oromiyaa keessatti duguuggaa sanyii raawwataa akka jiru hiriirtotni kunniin addeessaniiru.

Dhuma irratti hawaasni Oromoo London hiriira mormii kana geggeesse, hawaasni addunyaa dhumaatii ummata Oromoo irratti raawwatamaa jiruuf xiyyeeffannaa akka kennu, darbees mootummaa Itoophiyaa irratti dhiibbaa akka geessisu gaafataniiti jiru.