𝐊𝐚𝐚𝐛𝐢𝐧𝐨𝐨𝐭𝐧𝐢𝐢 𝐟𝐢 𝐊𝐚𝐚𝐝𝐢𝐫𝐨𝐨𝐭𝐧𝐢 𝐁𝐢𝐥𝐱𝐢𝐠𝐢𝐧𝐧𝐚𝐚 𝐊𝐢𝐛𝐛𝐚-𝐛𝐚𝐡𝐚𝐚 𝐆𝐨𝐝𝐢𝐧𝐚 𝐁𝐚𝐚𝐥𝐞𝐞 𝐤𝐞𝐞𝐬𝐬𝐚𝐭𝐭𝐢 𝐦𝐚𝐪𝐚𝐚 𝐝𝐞𝐠𝐠𝐞𝐫𝐬𝐚 𝐦𝐨𝐨𝐭𝐮𝐦𝐦𝐚𝐚𝐟 𝐣𝐞𝐝𝐡𝐮𝐮𝐧 𝐮𝐦𝐦𝐚𝐭𝐚 𝐡𝐢𝐫𝐚𝐚𝐫𝐬𝐚𝐚 𝐣𝐢𝐫𝐮.

Kibba-bahaa Godina Baalee Bahaa Ona Laga Hidhaa keessatti kan argaman kaabinootnii fi kaadirootni sirna Bilxiginnaa ummata hongee fi beelli jireenyaan mankaraarsaa jiru gargaaruun hafnaan, mootummaaf gargaarsa kennaa jedhanii dirqiin saamaa akka jiran maddeen keenya gabaasaniiru.

Bulchitootni mootummaa kun gandoota 33 Ona Laga Hidhaa keessatti argaman irratti dirqamaan maallaqa humna ummataan ol ta’e murteessuun saamaa fi boossisaa jiru jedhu maddeen keenya.

Waajjirri Daandii onichaa birrii 2,970,000, Waajjirri Bishaanii fi Inerjii birrii 2,475,000, Waajjirri Buusaa Gonofaa birrii 9,900,000 fi Waajjirri Fayyaa birrii 6,600,000, walumatti birrii 21,945,000 gandeen 33 onicha keessatti argaman irratti maqaa sekteraatiin ramadanii ummata ofiifuu beelaa fi hongeen dhumataa jiru saamanii rakkoo daraniif saaxilaa jiru jechuun maddeen keenya gabaasaniiru.

Namoota saamicha ija baase ummaticha irratti raawwatamaa jiru kana morman “Isin Shanee dha” jechuun mana hidhaa Waajjira Poolisaa Ona Beeltootti guuranii hidhuun achi keessatti dararaa jiru jechuun maddeen keenya ifoomsaniiru.