𝐆𝐨𝐝𝐢𝐧𝐚 𝐁𝐮𝐮𝐧𝐧𝐨𝐨 𝐁𝐞𝐝𝐝𝐞𝐥𝐥𝐞𝐞𝐭𝐭𝐢 𝐧𝐚𝐦𝐨𝐨𝐭𝐧𝐢 𝐛𝐚𝐥’𝐞𝐞𝐬𝐬𝐚𝐚 𝐦𝐚𝐥𝐞𝐞 𝐡𝐢𝐝𝐡𝐚𝐦𝐚𝐧, 𝐌𝐚𝐧𝐚 𝐌𝐮𝐫𝐭𝐢𝐢𝐭𝐭𝐢 𝐤𝐚𝐧 𝐡𝐢𝐧 𝐝𝐡𝐢𝐡𝐞𝐞𝐟𝐟𝐚𝐦𝐧𝐞 𝐭𝐚’𝐮𝐮𝐧 𝐛𝐚𝐫𝐚𝐦𝐞.

Akka maddeen SBO gabaasanitti Godina Buunnoo Beddellee Ona Daaphoo keessaa lammiileen Oromoo baay’een badii takkaan maleetti bulchiinsa sirna Bilxiginnaan qabamanii kan hidhamaa jiran yoo ta’u, kanneen amma dura hidhamanis mana murtiitti osoo hin dhiheeffamin baatilee lakkoobsisaa jiran. Lammiileen Oromoo Waajjira Poolisii Ona Daaphootti hidhamanii jiran kunniin:

1) Obbo Taakkalaa Gammachuu – Osoo mana murtiitti hin dhihaatin ji’oota 5f kan hidhamee jiru,

2) Dargaggoo Shibbiruu Alamuu – Ji’oota 3f kan hidhaa jiruu fi mana murtiitti kan hin dhihaatne,

3) Obbo Amsaaluu Biraanuu – Ji’oota 2f kan hidhaa jiruu fi mana murtiitti kan hin dhihaatne,

4) Obbo Darajjee Suutumaa – Ji’a 1

5) Dargaggoo Kennasaa Alamaayyoo – Ji’a 1

6) Dargaggoo Baabbulaa Tsaggaayee – Ji’a 1

7) Dargaggoo Gammachuu Xaamxoo – Ji’a 1

8) Shibbiruu Dheeressaa

9) Dargaggoo Galataa Taayyee

10) Wanduu Baqqalaa

11) Taaddalee Haayiluu

12) Wayyeessaa Taarikuu

13) Eliyaas Masarat

14) Waaqjiraa Balfaa

15) Amaanu’eel Ballaxee

16) Adaanee Guddataa fi

17) Caalii Obsaa

Namootni ji’a tokkoo hanga ji’oota shaniitti mana hidhaa keessatti argaman kunniin yeroo garagaraatti kan qabamanii hidhaman ta’uunis barameera.

Bulchitootnii fi kaabinootni sirna Bilxiginnaa lammiilee Oromoo kana hiisisuu keessaa harka qaban bulchaa Ona Daaphoo Baahiruu Ballaxee, Marsiimo’i Raggaasaa, Indaalee Ittafaa, Tamasgeen Raggaasaa fi Biraanuu Galaan kanneen jedhaman ta’uu oduun SBO dhaqqabe ni hubachiisa.