𝐀𝐫𝐭𝐢𝐬𝐭 𝐙𝐚𝐫𝐢𝐡𝐮𝐮𝐧 𝐖𝐚𝐝𝐚𝐣𝐨𝐨 𝐝𝐡𝐮𝐤𝐤𝐮𝐛𝐬𝐚𝐜𝐡𝐮𝐮𝐧 𝐡𝐨𝐬𝐩𝐢𝐭𝐚𝐚𝐥𝐚𝐭𝐭𝐢 𝐚𝐤𝐤𝐚 𝐚𝐫𝐠𝐚𝐦𝐮 𝐦𝐚𝐚𝐭𝐢𝐢𝐧 𝐡𝐢𝐦𝐚𝐧.

Artistiin angafni seenaa muuziqaa Afaan Oromoo keessatti iddoo olaanaa qabu akkasumas baroota dheeraaf qabsoo bilisummaa Oromoo keessatti sirboota warraaqsaan qabsoo fi qabsaawota jajjabeessaa, ummatas qabsoof kakaasaa ture Zarihuun Wadaajoo erga dhukkubsatee bubbulee jiraachuu maatiin isaa kan ibsan yoo ta’u, amma kaleen isaa lameenuu hojii dhaabanii jiru jedhan.

Sirnoota darban keessa yeroo hidhaa turetti reebichaa fi dararaa irra gaheen miilli isaas miidhamuu kan himan maatiin, Artist Zarihuun Wadaajoo yaala fayyaa barbaachisu yoo argate akka fooyya’uu danda’u ogeeyyota fayyaan itti himamuu ibsaniiru.

Kana gochuuf maallaqni akka barbaachisu eeranii, ummanni Oromoo akka birmatuuf gaafatanii jiru.

Nutis kan jennu ummatni Oromoo/abbootiin qabeenyaa kanneen Art.Zarihun Wadaajoo gargaaruu danda’an osoo inni lubbuun jiruu akka cina dhaabbatan jenna.