𝗚𝗮𝗿𝗮 𝗺𝗮𝗮𝘁𝗶𝗶 𝗶𝘀𝗮𝗮𝘁𝘁𝗶 𝗴𝗮𝗹𝗮𝗮 𝗸𝗮𝗻 𝘁𝘂𝗿𝗲 𝗱𝗮𝗿𝗴𝗮𝗴𝗴𝗼𝗼 𝗗𝗮𝗮𝘄𝗶𝘁 𝗕𝗮𝗹𝗮𝗮𝘆 𝗞𝗮𝗺𝗶𝘀𝗮 𝗱𝗮𝗿𝗯𝗲 𝗵𝗶𝗱𝗵𝗮𝘁𝘁𝗼𝗼𝘁𝗮 𝗺𝗼𝗼𝘁𝘂𝗺𝗺𝗮𝗮 𝗕𝗶𝗹𝘅𝗶𝗴𝗶𝗻𝗻𝗮𝗮𝗻 𝗯𝘂𝘁𝗮𝗺𝗲𝗲 𝗮𝗸𝗸𝗮 𝗮𝗷𝗷𝗲𝗲𝘀𝗮𝗺𝗲 𝗯𝗮𝗿𝗮𝗺𝗲.

Amajjii 05,2023 qophii ayyaanaaf gara maatii isaa galaa kan ture dargaggoo Daawit Balaay bal’eessaa tokkoon maleetti waraana mootummaa Bilxginnaan karaatti butamee ajjeesamuu maatiin mirkaneessuu maddeen gabaasaniiru.

Godina Wallagga Lixaa Ona Laaloo Assaabii ganda baadiyaa Arroojjii Sardoo jedhamtutti kan dhalate dargaggoo Daawit Balaay, magaalaa Naqamteetti kan argaman fira isaa bira taa’ee kan baratu ta’uunis hubatameera.

Ayyaana Qillee maatii isaa waliin dabarsuuf Amajjii 05,2023 mucaa dubrii isaa waliin Naqamtee irraa ka’anii osoo gara dhaloota isaanii deemaa jiranii bakka Dhagaa Dhaabbii jedhamutti humnoota mootummaatiin butamuu fi guyyoota muraasa booda Daawit ajjeesamuu maddeen maatii waabeffachuun ibsaniiru. Dubriin Daawwitis yeroo ammaa kana eessa akka buusames hin baramin jira.

Hidhaa fi ajjechaan guutuu Oromiyaa keessatti mootummaa Bilxiginnaan lammiilee nagaa irratti deemsisamaa jiru guyaa irraa gara guyyaatti hammaachaa fi babal’achaa jira.

Yeroo ammaa immoo golgaa WBO isa dhumaaf bal’eessuu jedhuun duula waraanaa bal’aa fi humna waraanaa biyyattiin qabdu cufaan Oromiyaa weerarsiisuun dhumaatiin suukanneessaan gandeen Oromiyaa keessatti dhaqqabaa jira.

Godinaalee Oromiyaa garagaraa keessatti yakki waraanni Bilxiginnaa ummata nagaa fi meesha-maleeyyii irratti raawwataa jiru isa hin dhaga’aminii fi miidiyaatti hin ba’in jirutu caala kan jedhan maddeen godinaalee irraa, yakki kun hundumtuu WBO golgaa godhatee imaammata mootummaa kan Qurxummii qabuuf, galaana gogsuu jedhuun raawwatamaa jira jedhaniiru.

Kana waan ta’eef, ummatni keenya PP irraa waan eeggatu tokkollee akka hin qabne of amansiisuun, falli qabu tokkichi keessaa fi alaan walta’ee falmaa finiinsuu qofa jechuun dhaamsa dabarsataniiru.