Imaammata Bilxiginnaa, Kaabatti Nagaa, Oromiyaatti Waraana

<strong>Imaammata Bilxiginnaa, Kaabatti Nagaa, Oromiyaatti Waraana</strong>

Sirni Bilxiginnaa humna waraanaa guddaa Oromiyaatti guuraa jira. Oromiyaa dirree waraanaa gochuun imaammata sirnichaa ta’uun ibsame

Imaammata Bilxiginnaa, Kaabatti Nagaa, Oromiyaatti Waraana

Lola waggoota lamaatiin boodatti bakka bu’oonni bilxiginnaa fi ABUT/TPLF marii araaraa Afrikaa Kibbaa magaalaa Piritooriyaatti geggeessaniin waliigaltee irra gahuun ni yaadatama. Waliigaltee kana hordofuun angawoonni Bilxiginnaa dhihoo kana magaalaa guddoo naannoo Tigraay kan taate Maqalee seenuun aangawoota Adda Bilisummaa Ummata Tigraay/TPLF waliin marii bal’aa taasisaniiru. Waraanni fi poolisoonni mootummaa federaalaas Maqalee qubsiifamaniiru. Waliigaltee marii araaraa hojii irra oolchuun sadarkaa dhumaatti waan dhiyaates fakkaata. Buโ€™uuruma waliigaltee sanaatiin tibbana meeshaalee gugurdoon hidhannoo Humna Waraanaa Ittisa Tigraayi turan garee toโ€™attootaatti dabarsamuu jalqabuunis mulโ€™ateera. Angawootni olaanoon naannoo Tigraayis dhihootti gara Finfinnee dhufanii Dr.Abiy Ahmed waliin walarganii ni mariโ€™atu kan jedhus dubbatamaa jira.

Faallaa kanaa Oromiyaa keessatti ammoo lolatu akka falaatti bifa haaraadhaan labsame. Mataan  paartii PP Dr.Abiy Ahmad, paarlaamaa irratti, Waraana Bilisummaa Oromoo waliin akka fedhii marii araaraa hin qabne dubbatuun ni yaadatama. Kan fedhii qabu karaa isaaf mijateen yaa’ee galee akka Bilxiginnaatti harka kennatu, kan dide ammoo lolaan dhabamsiifna jechuun ifatti duula waraanaa Oromiyaa irratti akka haaraatti labsan. Ibsi Raayyaan Ittisa Biyyattii yeroo darbe baases kanuma agarsiisa.

Lola Waraana Bilisummaa Oromoo (WBO) waliin itti jiraniin akka furmaata hin fidne osoo beekanii maqaa WBO dhabamsiisuu jedhuun ummata Oromoo irratti duguuggaa sanyii itti fufuuf bifa haaraan lola kana labsanii itti jiran. Lolli fala akka hin taane sirriitti beekan iyyuu, dhangalaโ€™uun dhiigaa Oromiyaa keessaa itti fufuu qabaan garuu ejjennaa Bilxiginnaa taโ€™uu gochi isaanii ammaa sirriitti mulโ€™isa. Labsii lolaa kanaan ummata Oromoo fixuuf malee warra hidhatee sochoโ€™uu balโ€™eessuun akka hin dandaโ€™amne isaan caalaa kan beeku hin jiru.

Waraanni harโ€™a akka haaraatti Oromiyaatti guuramaa jiru Oromoo irratti yakka waggoota shaniif hojjetamaa ture itti fufuun, duguuggiin sanyii irra balโ€™aan akka itti fufuuf qajeelfamaa fi ajaja paartii Bilxiginnaan kan bobbaโ€™aa jiruu dha. Humna waraanaa Kaaba ture, hidhattootaa fi poolisoota naannolee fi humni alagaa itti edaโ€™amee waraanni biyyattiin akka waraanaatti qabdu yeroo ammaa kana Oromiyaatti duulchisamee jira. Oromiyaa nagaa dhorkuu, dirree lolaa taasisuu, dhiiga lammiilee qulqulluu dhangalaasuu, lubbuu ilmaan Oromoo jumlaan baasuu, qeโ€™ee Oromoo qeโ€™ee booโ€™ichaa fi gaddaa taasisuu, manneenii fi qabeenya Oromoo barbadeessuun hojii waraana Bilxiginnaa Oromiyaa weeraree jiruu ti. Buโ€™aan waraanichaa isa kana yoo taโ€™e malee, humna hidhatee isaan lolu WBO homaa gochuu akka hin dandeenye ajajooti waraanichaa tolchanii beekan. Waan kana taโ€™eef, akeekni lolichaa Oromoo balโ€™eessuufi; Oromoo cabsuufi; akkuma jechaa turanii fi jiran Qurxummii dhabamsiisuuf galaana gogsuu imaammata jedhu hojiitti hiikaa jiran.

Addi Bilisummaa Oromoo weeraraa fi lola qindaโ€™aa mootummaan Bilxiginnaa Oromiyaa irratti labse kana ilaalchisuun ibsa Amajjii 08,2023 baaseen, Ajjeechaan waggootaaf Oromiyaa mancaasaa ture, achiis Kaaba, Tigraayitti cehe, ammammoo humna guutuun gara Kibba Oromiyaatti fuula naanneffatuu addeessuudhaan, โ€˜Humna Qindaaโ€™aaโ€™ jedhamee kan waamamu, Humna Ittisa Biyyaa Itiyoophiyaa, Humna Poolisii Addaa Naannoo, Poolisii Federaalaa fi Faannoo of keessatti hammate โ€œThe so-called โ€˜Coalition Force, which constitutes Ethiopian National Defense Forceโ€ kallattiiwwan garagaraatiin gochaa ajjeechaa cigaasisaa isaanii irra deebiin jalqabuu hubachiise. 

Adda Waraanaa Baha Oromiyaa, Fantaallee fi Boosat keessatti Waraana Bilisummaa Oromoo fi โ€˜Humna Qindaaโ€™aaโ€™ kana gidduutti waraana jabaan gaggeeffamaa jiraachuu kan beeksise ibsi ABO kun, Adda waraanaa Gujiitti, oppireeshinii guddaan adeemsifamaa jiraachuu fi kunis waraana jabaa hordofsiisuu ibse. Oromiyaa Lixaatti, โ€˜Humnootni Qindaaโ€™ooโ€™ lakkoofsaan hedduu taโ€™an Matakkaliin weeraranii, Laga Mormor karaa Agamsaa cehuun ajjeechaa itti fufanii jiraachuu kan hubachiise ABOn, Shawaa Kaabaa, Gidduugala Oromiyaatti, duulli wal fakkaataan naannolee Salaalee fi Meettaa keessatti adeemsifamaa jira jedheera.  Waraana hin barbaachifne kanaanis namootni nagaa hedduun qeโ€™ee fi qabeenya isaanii rraa buqqaโ€™aa akka jiran, dubartootni, daaโ€™immanii fi maanguddootni akka maleetti akka miidhamanii fi dirree irratti facaโ€™an ibsameera.

Dhibdee siyaasaa fi walitti buโ€™iinsa Itiyoophiyaa, Oromiyaa keessatti uumame kanaaf furmaatni tokkichi, Furmaata SIYAASAA taโ€™uu irra deddeebiin beeksisaa turreerra kan jedhe ABOn ibsa isaa kanaan, furmaatni waraanaa, goolama sodaa dhaloota kanaa qofa osoo hin taane, biyyattii hiyyeettii addunyaa kanaa taate kanaaf godaannisa dhalootaa uumee, gara diigamuutti akka ishee geessu dhugaa jiru mulโ€™ise.

Gaaffii abbaa biyyummaa dargaggoota Oromoo bosonatti galcheef deebii siyaasaa barbaaduutu qaroomina malee, humni furmaata hin fidu. Humni humna akka dhalchu warri PP seenaa qabsoo ummatootaa fi loloota impaayerattii kana keessatti deemaa turan if booda deebiโ€™anii yaadatuu isaan barbaachisa. Ummata Oromoo ajjeesuu, manaa fi qabeenya isaa gubuu, jumlaan hidhuu fi dararuu dhiisanii gaaffii ummataa fi qabsaawota Oromoo deebisuutu fala dha. Afaan qawwee takkaa gaaffii ummata tokkoo ukkaamsee, humna ummataas cabsee jiraatee hin beeku; dhuma irratti kan dhabamu abbuma irree isa humnaan yaaduu dha.  

Sirni kun aangoo fi garaa isaaf jecha ilaalcha sirna nafxanyummaatiin Oromoo cunqursuu fi lafa Oromiyaa weeraruu malee waan Oromoon gaafatu dhaga’uu hin fedhu. Sirni akkanaa gaaffii Oromoo ni deebisa jedhanii eeggachuunis of gowwomsuu dha. Oromoon sirna kana irra abdii kaawwatuu fi mootummaa kiyya jedhee abdatuu hin qabu. Sirnichii fi mootummichi isa Oromoof taโ€™uu fi isa Oromoon kiyya jedhu akka hin taane yakka baayโ€™ee fi gochoota fokkisoon Oromootti agarsiiseera. Kanaaf Oromoon sirna kana irraa waan abdatu tokkollee hin qabu.

Sirna akkasii ammoo jala taaโ€™uu osoo hin taane irratti qabsaawuudhaan of irraa jijjiiranii mootummaa ofii dhaabbachuu dha. Bilisummaa fi Abbaa biyyummaa ofii mootummaa mirkaneessuu fi iggitii itti godhu ijaarrachuu dha. Sanaaf ammoo harโ€™as boris furmaatni QABSOO qofa.

SBO
ADMINISTRATOR
PROFILE

Posts Carousel

Leave a Comment

Your email address will not be published. Required fields are marked with *

Latest Posts

Top Authors

Most Commented

Featured Videos

Categories

SBO