𝐇𝐚𝐥𝐞𝐞𝐥𝐥𝐚𝐚 𝐗𝐚𝐲𝐲𝐚𝐚𝐫𝐚𝐚 𝐃𝐚𝐚𝐧𝐧𝐨𝐨𝐭𝐭𝐢 𝐌𝐨𝐨𝐭𝐮𝐦𝐦𝐚𝐚𝐧 𝐁𝐢𝐥𝐱𝐢𝐠𝐢𝐧𝐧𝐚𝐚 𝐫𝐚𝐚𝐰𝐰𝐚𝐭𝐞𝐞𝐧 𝐧𝐚𝐦𝐨𝐨𝐭𝐧𝐢 𝟑𝟎 𝐚𝐣𝐣𝐞𝐞𝐬𝐚𝐦𝐚𝐧.

Amajjii 18,2023 guyyaa har’aa mootummaan Bilxiginnaa Godina Lixa Shaggar Ona Daannoo iddoo Kamisee jedhamutti haleellaa xayyaaraa ummata siviilii irratti fudhateen yo xiqqaate namootni nagaan 30 ol ta’an qe’ee isaanii keessatti dhumatuu maddeen gabaasaniiru.

Haleellaan kun kan raawwatame maqaa WBO rukutuu jedhuun ta’uu kan ibsan maddeen, haa ta’u malee kan haleelamee fi dhumate ummata nagaa fi meesha-maleeyyii ta’uu mirkaneessaniiru. Maqaa namoota haleellaa xayyaaraa kanaan dhumatan akka arganneen kan beeksisnu ta’a.

Mootummaan abbaa irree Bilxiginnaa irra deddeebiin Godinoota Oromiyaa adda addaa keessatti haleellaa xayyaaraa qe’ee ummataa keessatti fudhatuun lammiilee nagaa dhibbootaan haala suukanneessaan ajjeesuu gabaasaa turuun keenya ni yaadatama.