Lammiileen Itophiyaa Miliyoona 7 ta’an dhibee Koleeraaf saaxilamuu Dhaabbanni Mootummoota Gamtoomanii gabaase.

Dhaabbata Mootummoota Gamtoomaniitti Qindeessaan Gargaarsa Namoomaa (UNOCHA)n akka gabaasetti, lammiileen Itophiyaa miliyoona 7 ta’an dhibee Koleeraatiif kan saaxilaman yoo ta’u, namootni 94 ammoo dhibichaan du’aniiru.  

Hanga ammaatti namoonni 6,157 dhukkubichaan faalamuu kan ifa godhe OCHAn, weerarri kun naannoolee sabaa fi sab-lammootaa fi ummatoota Kibbaa fi Sidaamaatti babal’achuu eeruun Onoota 54 fi gandoota 6000 ol keessatti mul’atuu addeesse.

Dhaabbata Mootummoota Gamtoomaniitti Qindeessaan Gargaarsa Namoomaa (UNOCHA)n talaallii kennaa jiraatus hir’inni baajetaa danqaa itti ta’uun ibsameera.

Talaalliin dhukkuba Kooleeraa naannoo Sabaa fi Sab-lammootaa fi ummatoota Kibbaatti eegalamuu Ministeerri Fayyaa Itoophiyaa ibsee turuun kan yaadatamuu dha.