Magaalaa Moyyaleetti namootni baay’een hidhattootaa fi caasaalee nageenyaa PPn qabamanii hidhaatti guuramaa jiran. Ummatni faallaa hiriira darbee akka bahuufis dirqisiifamaa jira.

Amajjii 11, 2025 Sambata darbe humnootni Federaalaa mootummaa PP magaalaa Moyyalee naannoo hospitaala Fulleessaatti mucaa umriin ganna 12 Boruu Alnuuraa Saaraa jedhamu itti dhukaasanii ajjeesuun walqabatee, guyyuma sana jiraattotni magaalaa Moyyalee hedduun hiriira bahuun yakka ajjechaa waraana PP kana mormuun mootummicha balaaleffatan.

Gartuun PP yakka ajjechaa waraanni isaa ol adeemaa kana irratti raawwatetti osoo gadda isaa hin ibsin, ummata harka qullaa ba’ee ajjechaa seeraan alaa kana balaaleffate jimlaan qabee hidhaatti guuraa jira. Dargaggootni baay’een duula hidhaa kana dheessanii magaalaa fi naannoo sana gadhiisanii akka baqatanis maddeen keenya mirkaneessaniiru.

Maddeen SBO akka gabaasanitti yo xiqqaate namootni 150 ol qabamanii mooraalee RIB, Poolisii Federaalaa, buufata poolisii magaalaa fi kanneen birootti hidhamanii itti roorrifamaa kan jiran yoo ta’u, irra jireessi isaanii dargaggoota tahuu hubachiisu. Kanneen qabamanii hidhaa jiran keessaa maqaan namoota 50 SBO dhaqqabee jira. Isaanis:

1. Goollicha Guyyoo
2. Maammad Waariyoo
3. Xuuxee Maammudoo
4. Dabboo Dabbasoo
5. Hasii Abdiqqaadir
6. Buttee Abdikarim
7. Abdiyaa Waariyoo
8. Culkii Diidaa
9. Galgaloo Maammudoo
10. Guyyoo Almazii
11. Aab Kunee
12. Jaarsoo Jaatanii
13. Waariyoo Huseen
14. Diqqaa Bunjii
15. Duulaa
16. Adan Qottoo
17. Joomoo Xachee
18. Bardiqqoo
19. Kiyyaa Guduroo
20. Huseen Moluu
21. Idiris Moluu
22. Huseen Guyyoo
23. Halii Yooyyii
24. Akkuyyee Goollichaa
25. Motoqaa Roobaa
26. Guyyoo Salleessaa
27. Salloo Qabballee
28. Shukuu Abdii
29. Kottoola Jaarsoo
30. Qancooroo
31. Jaatanii Haliyoo
32. Abduuba Waaqoo
33. Moluu Baattoo
34. Diidoo Hannaa
35. Diqqayyaa Abduubaa
36. Shanaa Abduubaa
37. Diidoo Dabbasoo
38. Dabbasoo Odaa
39. Kiyyaa Kuucaa
40. Adan Moluu
41. Ibiroo Iddii
42. Lookoo Taadhichaa
43. Dhibaa Bonfiree
44. Shaarraa Roobaa
45. Waariyoo Roobaa
46. Guyyoo Moluu
47. Halloo Giiroo
48. Deebanoo
49. Ashuu fi
50. Alii kanneen jedhamantu keessatti argama.

Namootni hidhaa keessatti argaman akka malee dhaanamaa fi miidhaa gugurdaan irra gahaa jiraatuullee maddeen keenya ya mirkaneessan.

Gama biraan caasaaleen bulchiinsaa mootummaa PP kan magaalaa Moyyalee ummatni faallaa hiriira mormii darbee akka bahu dhiibbaa gochaa fi dirqaa jiran jechuun maddeen keenya gabaasaniiru.

Akka gabaasa maddeen keenyaatti, maatiin hundi ilmaan isaanii waliin hiriira bahanii “Lafti nagaa dha; rakkoon hin jiru. Hiriira darbe ilaalchisee dogoggorri kan keenya. Mootummaan dhiifama nuuf haa godhu” jedhanii hiriira akka bahan ummata doorsisaa fi dirqisiisaa jiru.