Ona Horroo Bulluq ganda Laaloo keessatti dhukaasa waraanni mootummaa PP ummata irratti baneen daa’imni yoo ajjeefamu, abbaa fi haati ni madaa’an

Ona Horroo Bulluq ganda Laaloo keessatti dhukaasa waraanni mootummaa PP ummata irratti baneen daa’imni yoo ajjeefamu, abbaa fi haati ni madaa’an

Amajjii 16, 2025 guyyaa har’aa waraanni shiftaa mootummaa PP Godina Horroo Guduruu Wallaggaa Ona Horroo Bulluq ganda Laaloo keessatti dhukaasa ummata irratti baneen lubbuun daa’ima Bilisaa Balaay jedhamuu darbuu maddeen SBO gabaasan.

Abbaan Bilisaa Obbo Balaay Filee fi haati isaa Aadde Bakkashee Hinkoosaa rasaasaan rukutamanii yeroo ammaa hospitaala seenanii jiru. Obbo Balaay mataa irra waan rukutameef, haala sodaachisaa keessa jiraachuu maddeen SBO mirkaneessan.

Amajjii 14, 2025 irraa qabee Ona Horroo Bulluq gandoota Haroo Aagaa fi Goortoo Caabir jedhamu keessatti waraanni mootummaa PP maqaa WBO deggertu jedhuun ummata nagaa hiraarsaa, saamaa fi qabeenya duraa gubaa jiraachuun hubatameera.

Waraanni goolessituu PP Amajjii 14, 2025 Godina Horroo Guduruu Wallaggaa   Ona Jimmaa Raaree ganda Dilee Kolbaa jedhamutti dargaggoo Waaqoo Addunyaa Taabor ajjeesee gatuun isaa kan yaadatamuu dha.

Ajjeechaa waraanni RIB, milishaa fi caasaaleen nageenyaa mootummaa gartuu PP ummata Oromoo irratti raawwatu yeroo ammaa bifa haaraan kan jalqabee fi babal’ataa jiru yoo ta’u, ajjechaan kunis bineensummaa isaanii kan itti mul’isaa jiruu dha.