𝐉𝐚𝐚𝐫𝐦𝐢𝐲𝐚𝐚𝐧 𝐀𝐝𝐝𝐚 𝐁𝐢𝐥𝐢𝐬𝐮𝐦𝐦𝐚𝐚 𝐎𝐫𝐨𝐦𝐨𝐨 (𝐀𝐁𝐎) 𝐧 𝐖𝐚𝐚𝐣𝐣𝐢𝐫𝐚 𝐌𝐮𝐮𝐦𝐦𝐞𝐞 𝐆𝐮𝐥𝐥𝐚𝐥𝐥𝐞𝐞𝐭𝐭𝐢, 𝐦𝐚𝐭𝐚 𝐝𝐮𝐫𝐞𝐞 “𝐀𝐚𝐧𝐠𝐞𝐬𝐬𝐮𝐮, 𝐎𝐧𝐧𝐚𝐜𝐡𝐢𝐢𝐬𝐮𝐮 𝐟𝐢 𝐆𝐚𝐠𝐠𝐞𝐞𝐬𝐬𝐮𝐮” 𝐣𝐞𝐝𝐡𝐮 𝐣𝐚𝐥𝐚𝐭𝐭𝐢, 𝐥𝐞𝐞𝐧𝐣𝐢𝐢 𝐡𝐮𝐧𝐝𝐚-𝐠𝐚𝐥𝐞𝐞𝐬𝐬𝐚 𝐤𝐚𝐤𝐚’𝐮𝐮𝐦𝐬𝐚, 𝐬𝐢𝐬𝐢’𝐞𝐞𝐬𝐬𝐮𝐮 𝐟𝐢 𝐝𝐚𝐧𝐝𝐞𝐞𝐭𝐭𝐢𝐢 𝐡𝐨𝐨𝐠𝐠𝐚𝐧𝐬𝐚𝐚 𝐜𝐢𝐦𝐬𝐮𝐮 𝐢𝐫𝐫𝐚𝐭𝐭𝐢 𝐱𝐢𝐲𝐲𝐞𝐞𝐟𝐟𝐚𝐜𝐡𝐮𝐮𝐧 𝐪𝐨𝐧𝐝𝐚𝐚𝐥𝐨𝐭𝐚𝐚 𝐢𝐬𝐚𝐚𝐟 𝐥𝐞𝐞𝐧𝐣𝐢𝐢 𝐠𝐮𝐲𝐲𝐨𝐨𝐭𝐚 𝐥𝐚𝐦𝐚𝐚 𝐤𝐞𝐧𝐧𝐞𝐞𝐫𝐚.

Leenjii guyyoota lamaaf kenname irratti, miseensota isaa dhimmoota ilaalchaa, gaggeessummaa fi taliigummaa ilaalchisee hubannoo isaanii gabbisu irratti akkasumas dandeettii fi bu’a-qabeessummaan miseensota isaa mul’ata dhaabaa akka galiin gahaniif, sirna jaarmiyaa isaanii akka amanamummaan tiksanii fi akka qajeeltummaan uummata isaaniif dalaganiif leenjiin gahummaa isaanii daran cimsu kenneera.

Kaayyoon leenjichaa miseensota ABO kan sirna fi aadaa jaarmiyichaa hubatan qofa osoo hin taane, kan gahuumsaan hojii keessatti tajaajilu danda’an, qajeeltummaa qabaatan, aantummaa uummataa qabaatan, warra seeera naamusaatiin masakamanii dandeettii gaggeessummaa fi taliigummaa sirnaan gabbifatan ijaaruu dha. Dabalataan leenjichi miseensonni dhaabaa obsaa, murannoo fi cichoomina horatanii haala ulfaataa keessatti illee dandamachuun akka kaayyoo isaanii fiixan baasan gargaara.

Leenjiin hunda galeessi Mata dure “Aangessuu, Onnachiisuu fi Gaggeessuu” jedhu irratti qondaalotaaf hagayya 09 hanga10, 2025 tti Waajjira Muummee ABO Gullalleetti kenname kun milkiin goolabameera.