𝗔𝗷𝗷𝗲𝗰𝗵𝗮𝗮 𝗺𝗮𝗴𝗮𝗮𝗹𝗮𝗮 𝗚𝗶𝗻𝗱𝗵𝗶𝗶𝗿𝗶𝘁𝘁𝗶 𝗱𝗮𝗿𝗴𝗮𝗴𝗴𝗼𝗼 𝗠𝗶𝗹𝗸𝗶𝗶 𝗠𝘂𝗵𝗮𝗺𝗺𝗮𝗱 𝗨𝗺𝗮𝗿 𝗶𝗿𝗮𝘁𝘁𝗶 𝗿𝗮𝗮𝘄𝘄𝗮𝘁𝗮𝗺𝗲𝗲𝗻 𝗺𝗮𝗴𝗮𝗮𝗹𝗮𝘁𝘁𝗶𝗶𝗻 𝗱𝗶𝗱𝗱𝗮𝗮𝗻 𝗺𝘂𝗱𝗱𝗮𝗺𝘂𝘂𝗻 𝗶𝗯𝘀𝗮𝗺𝗲.

Mudde 27,2022 ALItti halkan keessaa sa’aa 4:00 irratti poolisootni sirna Bilxiginnaa magaalaa Gindhiir keessatti dargaggoo Milkii Muhammad Umar jedhamu haala suukanneessaadhaan ajjeesuu isaanii oduun SBO dhaqqabe ifa godha.

Ajjechaa suukanneessaa dargaggoo Milkii irratti raawwatametti kan dallane ummatni magaalaa Gindhiir, daandii cufuudhaan diddaa sirna Bilxiginnaa Oromiyaa keessatti lammiilee nagaa fixaa jiruuf qabu mul’iseera.

Balaaleffannaa ummataa kanatti kan rifatan bulchitootni PP naannoo sanaa sochii kana qabbaneessuuf poolisoota 4 to’atnaa jala oolchineerra jedhanis diddaan ummataa hin dhaabbanne.

Namni tokko caasaa PP bakka biraa irraa gara Gindhiiritti ergamee gumaa baasna jechuun ummata tasgabbeessuuf carraaqullee, Qeerroon magaalaa Gindhiir “Gumaa baasna malee, Gumaa hin nyaatnu” jechuun mormii akka itti fufan maddeen keenya gabaasaniiru.