𝐃𝐡𝐚𝐚𝐛𝐛𝐚𝐧𝐧𝐢 𝐌𝐢𝐫𝐠𝐚 𝐍𝐚𝐦𝐨𝐨𝐦𝐚𝐚𝐟 𝐅𝐚𝐥𝐦𝐮 𝐊𝐚𝐧 𝐈𝐝𝐢𝐥 𝐀𝐝𝐝𝐮𝐧𝐲𝐚𝐚, 𝐀𝐦𝐧𝐢𝐬𝐭𝐢𝐢 𝐈𝐧𝐭𝐚𝐫𝐧𝐚𝐚𝐬𝐡𝐢𝐧𝐚𝐚𝐥 𝐌𝐨𝐨𝐭𝐮𝐦𝐦𝐚𝐚𝐧 𝐈𝐭𝐨𝐨𝐩𝐡𝐢𝐲𝐚𝐚 𝐓𝐨𝐨𝐫𝐚 𝐐𝐮𝐧𝐧𝐚𝐦𝐭𝐢𝐢 𝐇𝐚𝐰𝐚𝐚𝐬𝐚𝐚 𝐜𝐮𝐟𝐞 𝐃𝐚𝐝𝐝𝐚𝐟𝐟𝐢𝐢𝐧 𝐀𝐤𝐤𝐚 𝐁𝐚𝐧𝐮 𝐆𝐚𝐚𝐟𝐚𝐭𝐞

Mootummaan Itoophiyaa uggura waltajjiiwwan miidiyaa hawaasaa filatamoo ta’an irra kaa’e kan ji’a lammaffaa isaa qabate daddaffiin akka kaasu gaafate Amnistii Intarnaashinaal ibsa tibbana baaseen.

Amnistii Intarnaashinaalitti Itti aantuu Daayreektaraa Godinaa Bahaa fi Kibba Afrikaa kan taate Filaaviyaa Miwaangoovaa, “Angawoonni mirga bilisummaa yaada ofii ibsachuu namootaa sarbuu itti fufaniiru; kunis bilisummaa odeeffannoo barbaaduu, fudhachuu fi dabarsuu kan dabalatuu dha.” jedhan.

Itti fufuunis, aanga’oonni Itiyoophiyaa ji’a tokkoof, namoonni biyyattii keessa jiran waltajjiiwwan miidiyaa hawaasaa filatamoo kanneen akka Feesbuukii, Telegiraamii, TikTok fi Yuutuub akka hin fayyadamne ugguran. Haala kanaan angawoonni mirga bilisummaa yaada ofii ibsachuu namootaa sarbuu itti fufaniiru; kunis bilisummaa odeeffannoo barbaaduu, fudhachuu fi dabarsuu kan dabalatuu dha jechuun danqaa murni Bilxiginnaa kaahe morman.

Uggurri waltajjiiwwan miidiyaa hawaasaa filatamoo irratti raawwatame kun mirga lammiileen bilisummaan yaada ofii ibsachuu fi odeeffannoo argachuuf qaban akkasumas heeraa-seera biyyattiinii fi waliigalteewwan naannoo fi idil-addunyaa Itophiyaan miseensa taate ifatti kan sarbu tahuu kan eeru Amnistii Intarnaashinaal, uggurri kun galmee biyyattiin bilisummaa miidiyaa irratti qabdu kan duraanuu gaddisiisaa ta’e daran xureessa jedheera.

Amnistii Intarnaashinaal, anga’oonni Itoophiyaa uggura kana osoo hin tursiisin kaasuudhaan, aadaa mirga ummanni yaada isaanii ibsachuu fi odeeffannoo barbaaduu fi fudhachuu gidduu seenuu kanatti xumura gochuu qabu jechuun dhaame.