SBO AMAJJII 22, 20240

• SUUR-SAGALEE
• January 22, 2024

ODUU fi Qophiilee garagaraa

SBO AMAJJII 19, 20240

• SUUR-SAGALEE
• January 19, 2024

ODUU, Amajjii 14/2024 Dilbata darbe hidhattootni PP Ona Saasiggaa ganda Waataa keessaa namoota 50 ol ukkaamsuun haga ammaa garrii geessan hin beekamin jiraachuu jiraattotni SBOtti himaniiru. Dhimma kana irratti jiraataa Ona Saasiggaa dubbisnee jirra.

Kibba Baha Oromiyaa godina Arsii Bahaa Ona Xiyyoo ganda Boree Cilaalootti maneen ummataa Waranni Biltsiginnaa gube irratti marii jiraatota naannoo fi Bulchaa Ganda Boree Cilaloo Obbo Yiisuu Turee waliin goone ammoo Xumura qophii keenya har’aa ti.

SBO AMAJJII 17, 20240

• SUUR-SAGALEE
• January 17, 2024

ODUU, Kibba Lixa Oromiyaa Godina Bunnoo Baddallee Ona Cawwaaqaatti rakkoo waraanni mootummaa Raayyaa Ittisa Biyyaa jedhamu ummata irraan Gahaa Jiru irratti ummatni komii qabu dhageessisaa jira.

Haleellaa hidhattootni mootummaa fi finxaaleyyiin naannoo Amaaraa Faannoon Amajjii 16, 2024 Godina Wallagga Bahaa Ona Amuruu keessatti ummata irratti raawwatan ilaalchisuun gaaffii fi deebii jiraataa Ona Amuruu waliin

SBO AMAJJII 08, 20240

• SUUR-SAGALEE
• January 8, 2024

Waliigaltee buufata galaanaa mootummaa PP fi mootummaa Somaliland gidduutti irra gahameen walqabatee muddama dhalateen, baqattoota Oromoo fi kanneen biroo Somaaliyaa jiran irra miidhaan akka hin geenye, eeggannoon godhamuufii akka qabu, muddamni siyaasaa haaraan dhalate kunis yeroo fi hatattamaan furmaata karaa nagaa argachuu akka qabuuf qaamotni dhimmi ilaalu hundi irratti hojjechuu akka qaban, Waajjirri Damee Hariiroo Alaa ABO ibsa Amajji 07, 2024 baaseen gaafatee jira.

Kaaba Oromiyaa Godina Walloo keessatti lola bal’aa finxaaleyyiin Faannoo fi loltootni mootummaa PP Oromoo Walloo irratti bananii jiraniin walqabsiisee ABOn Ijoo Dubbii Amajjii 05, 2024 baaseen Lola deddeebiin ummata keenya irratti banamee lubbuu qulqullootaa galaafatuuf kan itti gaafatamu mootummaa PP ti jedheera.